
Մեր մասին
Հայաստանի Կրավ Մագայի Ֆեդերացիան հիմնադրվել է 2012թ. աշխարհի և Եվրոպայի քիքբոքսինգի չեմպիոն, միջազգային դասի անվտանգության և կրավ-մագայի էքսպերտ Սարգիս Բազինյանի կողմից:
Հիմնադրման առաջին իսկ օրվանից մենք հետևում ենք այն կարևոր առաքելությանը, որի շուրջ կառուցել ենք մեր առօրյա գործունեությունը, այն է` ձևավորել իրավագիտակից, ուժեղ և պատրաստված հասարակություն։ Ամենօրյա աշխատանքի արդյունքում մեր սաների մեջ սերմանում ենք արժեքներ, որոնք մեր երկրի և պետականության հուսալի ապագայի երաշխավորներն են։
Կրավ Մագա Հայաստանը չեմպիոնների դարբնոց է, որտեղ մեր մարզիկները ամեն օր սովորում է հաղթահարել իրենք իրենց, չընկրկել դժվարություններից, կարգապահության և քրտնաջան աշխատանքի շնորհիվ հասնել նպատակադրված արդյունքին։ Մեզ մոտ սովորում են հաղթել, իսկ անհաջողությունները երբեք չեն կոտրում մեր մարզիկների ոգին, քանի որ յուրաքանչյուր պարտություն դա ևս մեկ դաս է, որից կարելի է օգտակար հետևություններ անել։

Մեր արժեքները
Մեր #ԿրավԸնտանիքն իր թևի տակ է առել տարբեր տարիքի, սեռի և կենսակերպի մարդկանց, որոնց համատեղում է նույն աշխարհայացքն ու ազգին պիտանի լինելու ցանկությունը։ Մեզ միավորող արժեքներն են.
- Կրավընտանիքը
- Հաղթելու կարողությունը
- Հոգեպես և ֆիզիկապես պատրաստվածությունը
- Իրավագիտակցությունը
- Հասարակությանն ու պետությանը պիտանի լինելու պատրաստակամությունը
ՄԵՐ ԹԻՄԸ
Հայաստանի Կրավ Մագայի Ֆեդերացիայում դասավանդում են ՀՀ և միջազգային ասպարեզում լայն ճանաչում և որակավորում ունեցող անվտանգության և սպորտի առաջատար մասնագետներ, ովքեր պարբերաբար վերապատրաստվում են ՀՀ-ում և արտերկրում:

ՍԱՐԳԻՍ ԲԱԶԻՆՅԱՆ
Հայաստանի Կրավ Մագայի Ֆեդերացիայի հիմնադիր և գլխավոր ինստրուկտոր, Կրավ Մագայի միջազգային կարգի էքսպերտ, ՍԻԱՍ ակադեմիայի համահիմնադիր և փոխտնօրեն
ԿՐԹՈՒԹՅՈՒՆ
2004-2010թթ․ սովորել է ԵՊՀ միջազգային հարաբերությունների և դիվանգիտության ֆակուլտետում (բակալավրիատ և մագիստրատուրա)։ 2012 թ․ ավարտել է Ռուսաստանի իրավական ակադեմիայի մագիստրատուրան։
ՍՊՈՐՏԱՅԻՆ ԿԱՐԻԵՐԱ
7 տարեկան հասակից զբաղվել է քիք բոքսինգով և թայ բոքսինգով:
- 1996-2003 և 2005-2009 թթ. ճանաչվել է քիք-բոքսինգի Հայաստանի չեմպիոն
- 1998թ. WAKO վարկածով քիք-բոքսինգի աշխարհի չեմպիոն
- 1999-2001 թթ. թայ-բոքսինգի Հայաստանի չեմպիոն
- 2000-2002 ուշու-սանդայի Հայաստանի չեմպիոն
- 2000 թթ. ֆուլ կոնտակտ կարատե-դո Հայաստանի չեմպիոն
- 2003թ․ թայ-բոքսինգի աշխարհի չեմպիոն
- 2004թ. ձեռնամարտի Հայաստանի չեմպիոն
- 2007թ. քիք բոքսինգի Եվրոպայի չեմպիոն
- 2007թ. WPKA վարկածով աշխարհի չեմպիոն
- 2012 Krav Maga Air Marshal որակավորում
- 2012 Krav Maga VIP պաշտպանության էքսպերտ
- 2013 Krav Maga Level 2 էքսպերտ
ՈՐԱԿԱՎՈՐՈՒՄՆԵՐ
Ունի հետևյալ որակավորումները՝ բուժեղբայր, պաշտպանողական և հակավթարային վարման հրահանգիչ, հրաձգության հրահանգիչ։ ՍԻԱՍ ակադեմիայում դասավանդում է բախումնային իրավիճակների կառավարում, կոնֆլիկտաբանություն, մինչբժշկական առաջին օգնություն, հատուկ տակտիկական պատրաստականություն։
Վերապատրաստվել է ավելի քան 15 երկրներում։ Հանդիսանում է իրավապահ մարմնի, հատուկ նշանակության ջոկատների և բանակի Կրավ Մագայի ինստրուկտոր։

ՀՐԱՆՏ ՔՈԹԱՆՋՅԱՆ
Հայաստանի Կրավ Մագայի Ֆեդերացիայի և ՍԻԱՍ ակադեմիայի առաջատար ինստրուկտոր
ԿՐԹՈՒԹՅՈՒՆ
Ավարտել է Հայաստանում ֆրանսիական համալսարանի (ՀՖՀՀ), ինչպես նաև Ժան Մուլեն Լիոն 3 (Université Jean Moulin Lyon 3) համալսարանի մարքեթինգի ֆակուլտետը։ Սովորում է բիզնեսի կառավարում (MBA) ԱՄՆ-ի Ուեսթքլիֆֆ համալսարանում(Westcliff University):
ՍՊՈՐՏԱՅԻՆ ԿԱՐԻԵՐԱ
2018թ. ճանաչվել է K1-ի Հայաստանի չեմպիոն։

ՄԱՅԻՍ ՆԵՐՍԵՍՅԱՆ
Հայաստանի Կրավ Մագայի Ֆեդերացիայի մանկապատանեկան թիմի ավագ ինստրուկտոր և ՍԻԱՍ ակադեմիայի ինստրուկտոր
ԿՐԹՈՒԹՅՈՒՆ
2013թ. ավարտել է ՖԿՀՊԻ-ը` որպես մարզիչ-մանկավարժ:
ՍՊՈՐՏԱՅԻՆ ԿԱՐԻԵՐԱ
8 տարեկան հասակից զբաղվել է ձյուդո և սամբո ըմբշամարտով:
- 2009թ. ճանաչվել է ձյուդոյի Հայաստանի գավաթի չեմպիոն
- 2010թ. արժանացել է լավագույն ուսանող-մարզիկ կոչմանը
- 2013թ. սամբոյի մեծահասակների չեմպիոն
- 2014թ. ճանաչվել է Հայաստանի բազկամարտի բանակային առաջնության հաղթող
- 2015թ. զինվորական քառամարտի Հայաստանի առաջնության հաղթող
- 2018թ. ճանաչվել է խառը մենամարտերի (MMA) Հայաստանի չեմպիոն

ՆԱՐԵԿ ՍՈՂՈՄՈՆՅԱՆ
Ֆեդերացիայի հարվածային մրցաձևերի ինստրուկտոր
ԿՐԹՈՒԹՅՈՒՆ
Սովորում է Հայ-ռուսական համալսարանի էկոնոմիկայի և բիզնեսի ինստիտուտի տուրիզմի բաժնում։
ՍՊՈՐՏԱՅԻՆ ԿԱՐԻԵՐԱ
- 2005 և 2010թթ. ճանաչվել է ուշուի ՀՀ առաջնության հաղթող
- 2005, 2006, 2008 և 2009թթ. ճանաչվել է «Հայ սև գոտիների միության» սանդա ուշու բաց առաջնության հաղթող
- Ճանաչվել է ուշուի Եվրոպայի 13-րդ առաջնության երրորդ մրցանակակիր
- 2011թ. ճանաչվել է Կապան քաղաքում Մուայ թայ բոքսինգի ֆեդերացիայի մեկ ամյակին նվիրված մրցաշարի հաղթող

ՎԻԿՏՈՐ ՀՈՎՍԵՓՅԱՆ
Ֆեդերացիայի հարվածային մրցաձևերի ինստրուկտոր
ԿՐԹՈՒԹՅՈՒՆ
Սովորել է Երևանի օլիմպիական հերթափոխի պետական մարզական քոլեջում։
ՍՊՈՐՏԱՅԻՆ ԿԱՐԻԵՐԱ
- 2008թ. եղել է բռնցքամարտի Եվրոպայի առաջնության երրորդ մրցանակակիր
- Միջազգային մրցաշարերի հաղթող և մրցանակակիր
- Սպորտի վարպետի թեկնածու
- 2009-2011թթ. ճանաչվել է ՀՀ լավագույն բռնցքամարտիկ

ԱՐԹՈՒՐ ԶԱՔԱՐՅԱՆ
Ֆեդերացիայի գոտեմարտային մրցաձևերի ինստրուկտոր
ԿՐԹՈՒԹՅՈՒՆ
Սովորել է Երևանի օլիմպիական հերթափոխի պետական մարզական քոլեջում։
ՍՊՈՐՏԱՅԻՆ ԿԱՐԻԵՐԱ
- 2011, 2013 և 2014թթ. ճանաչվել է ազատ ոճի ըմբշամարտի ՀՀ առաջնության երրորդ մրցանակակիր
- 2012 և 2016թթ. ճանաչվել է ազատ ոճի ըմբշամարտի ՀՀ առաջնության երկրորդ մրցանակակիր
- 2017թ. բանակային ձեռնամարտում գրավել է երրորդ տեղը
- 2018թ. ճանաչվել է մինչև 23 տարեկանների ազատ ոճի ըմբշամարտի ՀՀ առաջնության հաղթող
- 2018թ. ճանաչվել է մեծահասակների ազատ ոճի ըմբշամարտի ՀՀ առաջնության երկրորդ մրցանակակիր
- 2019 ճանաչվել է Հայաստանի խառը մենամարտերի առաջնության առաջին մրցանակակիր (93 կգ)

ԱՐՏԱՎԱԶԴ ԱԼԵՔՍԱՆՅԱՆ
Ֆեդերացիայի ինստրուկտորի օգնական
ԿՐԹՈՒԹՅՈՒՆ
Սովորում է Սոս Հովսեփյանի անվան համար 115 ավագ դպրոցում։
ՍՊՈՐՏԱՅԻՆ ԿԱՐԻԵՐԱ
- 2008 թ. ճանաչվել է սպորտային մարմնամարզության Երևան քաղաքի անհատական առաջնության երկրորդ մրցանակակիր
- 2009 թ. ճանաչվել է սպորտային մարմնամարզության Երևան քաղաքի առաջնության հաղթող
- 2010 թ. ճանաչվել է Ազգային օլիմպիական կոմիտեի հիմնադրման 20-ամյա հոբելյանին նվիրված Հրանտ Շահինյանի անվան մարզադպրոցի բազմամարտի բաց առաջնության հաղթող
- 2010 թ. ճանաչվել է Հայաստանի մարմնամարզության ֆեդերացիայի ՀՀ պատանիների առաջնության հաղթող
- 2019 թ. ստացել է Կրավ Մագայի կապույտ գույնի աստիճանի որակավորում

ԱՐՏՅՈՄ ԱՐՈՅԱՆ
Ֆեդերացիայի ինստրուկտորի օգնական
ԿՐԹՈՒԹՅՈՒՆ
Սովորում է ԵՊՀ Տնտեսագիտության և Կառավարման ֆակուլտետի տնտեսագիտության բաժնում։

ԲԵՆ ԱԹԱՆԵՍՅԱՆ
Ֆեդերացիայի ինստրուկտորի օգնական
ԿՐԹՈՒԹՅՈՒՆ
Սովորում է Երևանի Ինֆորմատիկայի Պետական Քոլեջի հաշվողական տեխնիկայի և ավտոմատացված համակարգերի ծրագրային ապահովում բաժնում։
ՍՊՈՐՏԱՅԻՆ ԿԱՐԻԵՐԱ
- 2017թ. ճանաչվել է Կրավ Մագա Հայաստանի ֆեդերացիայի ընդհանուր ֆիզիկական պատրաստության և գոտեմարտային մրցաձևերի փակ առաջնության հաղթող
- 2018թ. ճանաչվել է խառը մենամարտերի (MMA) Հայաստանի առաջնության երկրորդ մրցանակակիր
- 2018թ. ճանաչվել է Հայաստանի Կրավ Մագայի Ֆեդերացիայի տարվա լավագույն մարզիկ
- 2019թ. ստացել է Կրավ Մագայի կանաչ գույնի աստիճանի որակավորում

ՀՈՎՀԱՆՆԵՍ ՀԱՐՈՒԹՅՈՒՆՅԱՆ
Ֆեդերացիայի ինստրուկտորի օգնական
ԿՐԹՈՒԹՅՈՒՆ
Ավարտել է Հենրի Մորգենթաուի անվան թիվ 126 դպրոց: Սովորում է Ճգնաժամային կառավարման պետական ակադեմիայում։
ՍՊՈՐՏԱՅԻՆ ԿԱՐԻԵՐԱ
- 2014թ․ 12-18 տարեկանների լողի հայաստանյան առաջնությունում զբաղեցրել է 2-րդ տեղ
- 2018թ․ Ճգնաժամային կառավարման պետական ադեմիայի կողմից կազմակերպված "Պատանի փրկարարական ջոկատ" առաջնությունում իր խմբով գրավել է 1-ին տեղը, իսկ Հայաստանյան առաջնությունում՝ 3-րդ տեղ։
Շախմատի վարպետ՝ 4րդ կարգ։

ԷԴՈՒԱՐԴ ԱՌՈՒՇԱՆՅԱՆ
Ֆեդերացիայի ինստրուկտորի օգնական
ԿՐԹՈՒԹՅՈՒՆ
Սովորում է Բալահովտի Ի.Վիրաբյանի անվան միջնակարգ դպրոցում։
ՍՊՈՐՏԱՅԻՆ ԿԱՐԻԵՐԱ
- 2010 թ. ճանաչվել է լողի ակումբային մրցաշարի հաղթող
- 2019 թ. ստացել է Կրավ Մագայի կանաչ գույնի աստիճանի որակավորում

ՌԱՖԱՅԵԼ ԿՏԻԿՅԱՆ
Ֆեդերացիայի ինստրուկտորի օգնական
ԿՐԹՈՒԹՅՈՒՆ
Սովորում է Ա. Շիրվանզադեի անվան համար 21 դպրոցում։
ՍՊՈՐՏԱՅԻՆ ԿԱՐԻԵՐԱ
- 2018 թ. ճանաչվել է խառը մենամարտերի (MMA) Հայաստանի առաջնության հաղթող
- 2018 թ. ճանաչվել է Հայաստանի Կրավ Մագայի Ֆեդերացիայի խառը մենամարտերի և ընդհանուր ֆիզիկական պատրաստության փակ առաջնությունների հաղթող
- 2018 թ. ճանաչվել է ամսվա լավագույն մարզիկ
- 2019 թ. ստացել է Կրավ Մագայի կանաչ գույնի աստիճանի որակավորում